"ژن و مێردێکی ساختەکار" له ‌سلێمانی‌ سزادران

ژن و مێردێکی ساختەکار" كه‌ مامه‌ڵه‌یان به‌دراوی‌ ساخته‌وه‌ كردووه‌ له ‌سلێمانی‌، له‌لایه‌ن دادگاوه‌ سزای‌ ساڵێك زیندانیان به‌سه‌ردا سه‌پێنرا.

بەڕێوەبەرایەتی ئاسایشی سلێمانی له‌ راگه‌یه‌نراوێكدا ئه‌مڕۆ دووشه‌ممه‌ رایگه‌یاند، هێزەکانی ئاسایش لەناو شاری سلێمانیدا بەبڕیاری دادوەر و بەپێی مادەی (281) لە یاسای سزادانی عیراقی، لە ڕۆژی 13/12/2015 ژن و مێردێکیان دەستگیرکرد.

 روونیشیكردووه‌ته‌وه‌، ئه‌و دوو كه‌سە بڕی (6200000) شەش ملیۆن و دووسەد هەزار دیناری عیراقی ساختە لە جۆری (25000) بیست و پێنج هەزار دیناریان پێ گیرابوو کە بەنیازبوون لە ناوشاری سلێمانیدا ساغیبکەنەوە.

به‌پێی‌ راگه‌یه‌نراوه‌كه‌ی‌ ئاسایش، ئه‌و ژن و مێرده‌ پێش ئەوەی ئەوکارە ئەنجامبدەن لەلایەن هێزەکانی ئاسایشی سلێمانیەوە ده‌ستگیركراون، دوای دادگاییکردنیان، لەلایەن دادگای تاوانەکانی سلێمانیەوە لەڕۆژی (27/3/2016 )  سزادران بە (1) ساڵ و شەش مانگ زیندانی.
س.م